Kynnisferð

Í september 2006 var farið í skólaheimsóknir í sex grunnskóla á höfuðborgarsvæðinu. Tilgangurinn var að skoða áhugavert skóla- og þróunarstarf og þá sérstaklega starf sem tengdist námsmati.

Allir kennara Hrafnagilsskóla voru með í för og fór hver þeirra í a.m.k. þrjá skóla. Eftir að heimsóknum lauk var komið saman með Ingvari Sigurgeirssyni og mat lagt á verkefnið. Notuð var 2+2 aðferðin. Eftir það var þáttunum sem kennurum þótti vera til fyrirmyndar forgangsraðað með það fyrir augum að auðvelda okkur leiðina að því sem við vildum koma í verk og jafnframt festa í sessi það sem fyrir var.

Forgangsröðun eftir matsfund

- Markvisst starf með námsmöppur

- Nemendur meðvitaðir um eigið nám

- Skýrt námsmat

- Áhugaverð og vel skipulögð þemaverkefni

- Markviss kennsla félagslegra þátta

- Nálægð foreldra

- Skýr námsmarkmið + tengsl við námsmat

- Nemendur þurfa að gera grein fyrir áformum sínum

- Afrakstur verkefna tengd foreldrum

- Allt starfsfólk saman

- Lokaverkefni í 10. bekk